El martes 14 de enero los sénior tuvieron la oportunidad de conocer el Centro de formación e interpretación de valores culturales y etnográficos del río Mandeo. Este Centro, proyecto del Estudio coruñés Barge Bouza Arquitectura, emulsiona perfectamente con el paisaje, por su natural aspecto, constituyendo así un elemento más del entorno, motivo por el cual ha sido premiado.
Durante la visita el alcalde del ayuntamiento de Curtis, quiso dar la bienvenida a nuestros alumnos sénior, convocando su propósito de crear una aula para un futuro muy próximo.
Crónica de la visita de Lourdes Pérez, alumna de la UNED Sénior A Coruña, del Ayuntamiento de Paderne:
"Hoxe, día 14 de xaneiro, os alumnos e alumnas da Uned Senior de Xestoso,
acompañados polo noso profesor D. Felipe Senén López, e polo noso coordinador D.
Luís Ángel Rodríguez Patiño, visitamos o Centro de Interpretación do río Mandeo,
que se atopa no concello de Curtis.
Este Centro forma parte do Proxecto
Mandeo, impulsado pola Deputación da Coruña, os diferentes
concellos (especialmente o de Curtis) por onde transcorre o río, e tamén con
fondos FEDER da Comunidade Europea. A súa finalidade é favorecer o
desenvolvemento de todas as vilas e aldeas que se atopan á beira da conca do río
e do seu ecosistema.
Esta zona de Curtis xa tivo moita importancia na
antigüidade, pois a xente prefería vivir no interior para protexerse dos ataques
dos corsarios e outras invasións, que arrasaban as costas.
A historia desta
parte do territorio xa ven da época romana, pois en Curtis existiu o campamento
romano da Cidadela, "Cors Prima Celtiverorum", cuns cincocentos mercenarios,
procedentes do norte de África e tamén soldados celtas que traballaban para os
romanos. Era esta unha avanzadilla importante. Despois do ano 300, trasladáronse
a Cantabria. Aínda hoxe se conservan no lugar restos da arquitectura desta
Cidadela.
No século XII, Alfonso VII trae frades que fundan o mosteiro
de Sobrado. Foi este un aspecto moi importante na humanización e progreso
cultural desta zona.
Hai cinco ou seis anos, nace este Centro de
Interpretación medioambiental e cultural do río Mandeo, impulsado, como xa
dixemos, polo Concello de Curtis, a Deputación da Coruña e con fondos FEDER. Foi
deseñado por tres arquitectos moi xoves, o estudo Barge-Bouza.
É un edificio moi
novedoso. Está situado nunha braña e quere integrarse no medio. Está formado por
catro partes, que semellan palleiros. Mesmo a protección de madeira lateral nos
recorda estas construcións anexas ás casas labregas. É un concepto de
arquitectura que rompe con todo. Os peldaños das escaleiras introducidos na
propia parede; o cristal, o cemento; o choque entre ángulos rectos e liñas
curvas, etc...
O edificio contén un salón de actos, unha zona de
exposición interactiva, laboratorio, comedor, cociña e dormitorios, con literas,
para unhas vinte e cinco persoas. É estupendo para campamentos de verán sobre
medio ambiente ou outras actividades semellantes, sempre con xente nova. O
importante é que se lle dea un bo uso, pois, se non, sería unha gran perda de
diñeiro e tempo.
A visita estivo enriquecida pola presenza do Sr.
Alcalde de Curtis, quen nos deu a benvida e nos agradeceu a nosa presencia,
explicándonos diferentes aspectos e singularidades deste concello. O noso
coordinador, D. Luís Ángel Rodríguez Patiño, aproveitou para manifestarlle a
necesidade de que se crease algunha aula da Uned Senior en Curtis, como un
factor máis de promoción cultural e de desenvolvemento desta área. O Sr. Alcalde
acolleu moi positivamente esta petición e respondeu que a tería en conta nos
seus proxectos inmediatos.
Como de costume, foi unha visita moi
interesante."
No hay comentarios:
Publicar un comentario